Home » » மூச்சுப் பயிற்சியின் மூலம் தொப்பையை குறைக்கும் வழிமுறைகள்...!!!

மூச்சுப் பயிற்சியின் மூலம் தொப்பையை குறைக்கும் வழிமுறைகள்...!!!

வயிற்றுப் பகுதியின் மிகப்பெரிய தொல்லையே, பங்க்ஷரான டயரைப் போன்று இருக்கும் அந்த தொப்பை தான். இதற்கு காரணம் நாம் இப்போது பெரிதாக உடல் வேலை ஏதும் செய்வதில்லை. நம்மில் பெரும்பாலானோர் 8-10 மணி நேரம் வரை உட்கார்ந்தபடியே தான் வேலை செய்கிறோம்.

உடல் எடை குறைக்க விரும்புவோருக்கான மாற்று உணவுகள்!!!

மற்றொன்று உணவுப் பழக்கம், செய்யும் வேலைக்கு ஏற்ற ஊதியத்தை போல தான் உணவும். அளவுக்கு மீறிய பணம் தலையிலும், அளவுக்கு மீறிய உணவு வயிற்றிலும் கனத்தை அதிகரித்துவிடும். உட்கார்ந்த இடத்தில் வளர்ந்த தொப்பையை, உட்கார்ந்த இடத்திலேயே கரைக்க உதவும் பயிற்சி தான் இந்த மூச்சு பயிற்சி.

நடிகர் ஆர்யா கூறும் ஸ்லிம்மாவதற்கான "சூப்பர்..." இரகசியம்!!!

இனி, மூச்சு பயிற்சியின் மூலமாக தொப்பையை கரைப்பது எப்படி என்று காணலாம்....

மூன்றே நாட்களில் எடையில் மாற்றம் தெரிய வேண்டுமா? அப்ப இந்த மெனுவை ஃபாலோ பண்ணுங்க...

பயிற்சி -1 : உதரவிதானம்

உதரவிதானம், வயிற்றுக்கும் மார்புக்கும் இடையே உள்ள குறுக்குச் சவ்வு; நுரையீரல் சுருங்கி விரியக் காரணமாய் அமைந்து, மூச்சு இழுத்துவிட உதவும் தசை. நுரையீரல் நிரம்ப, இழுத்து மூச்சு விட வேண்டும். இவ்வாறு இழுத்து மூச்சு விடுவது, வயிற்றுப் பகுதியில் இருக்கும் சதையை குறைக்க இது உதவுகிறது. நீங்கள் மூச்சை இழுத்து சுவாசிக்கும் போது, உதரவிதானம் பகுதியை பயன்படுத்த வேண்டும்.

செய்யும் முறை

முதலில் நீங்கள் கால்களை நீட்டி படுக்க வேண்டும். பிறகு மூச்சை நன்கு இழுத்துவிடும் போது, மார்பு மற்றும் வயிறு பகுதியை நன்கு உணர்தல் வேண்டும். இதை தொடர்ந்து செய்து வரவும். இந்த பயிற்சியினால் உங்கள் செரிமானப் பிரச்சனைக்கும் தீர்வுக் காண முடியும்.

பயிற்சி -2 :ஆழமான மூச்சு

ஆழமாக மூச்சை இழுத்துவிடுதல், உங்கள் தொப்பையை குறைக்க உதவுகிறது. இது, யோகாவின் ஓர் பயிற்சியான பிராணயாமாவின் ஓர் அங்கமாகும். ஓர் நாளுக்கு 15-20 முறை இந்த பயிற்சியில் நீங்கள் ஈடுபட வேண்டியது அவசியம். இந்த பயிற்சியினால் உங்கள் உடலுக்கு தூய்மையான காற்று நிறைய கிடைக்கப் பெரும். இது, உடலில் தேங்கியிருக்கும் கலோரிகளை கரைக்க பெரும் வகையில் உதவுகிறது.

செய்யும் முறை

இந்த பயிற்சியை செய்ய, நீங்கள் முதலில் நேராக அமர்தல் வேண்டும். கண்களை மூடிக்கொண்டு, உள்ளங்கைகளை உங்கள் தொடை மீது வைத்துக்கொள்ளவும். எண்ணங்களை ஒருநிலைப்படுத்தி, மூச்சின் மீது மட்டும் கவனம் செலுத்துங்கள். முதல் நான்கு நிமிடங்கள் சாதாரணமாக மூச்சு விடுங்கள். பிறகு ஒன்றில் இருந்து நான்கு என்னும் வரை மூச்சை இழுத்துவிடவும். அதன் பிறகு, ஒன்றில் இருந்து ஆறு என்னும் வரை மூச்சை இழுத்துவிடவும். இவ்வாறு பத்து நிமிடங்கள் பயிற்சி செய்ய வேண்டும்.

பயிற்சி -3 :ஷைனிங் ஸ்கல் ப்ரீத்திங் - Shining Skull Breathing

தொப்பையை குறைக்க ஓர் சிறந்த பயிற்சி இதுவாகும். மற்றும் உங்கள் தசை பகுதிகளை வலிமையாக்கவும் இந்த பயிற்சி உதவுகிறது. மற்றும் இந்த பயற்சி உங்களது சுவாச கோளாறுகளுக்கும் நல்ல தீர்வளிக்கும்.

செய்யும் முறை

உங்களுக்கு ஏற்றவாறு சௌகரியமாக உட்கார்ந்துக் கொள்ளவும். மூச்சை நன்கு உள்ளே இழுக்கவும். உங்கள் வயிறு பகுதியின் தசையை மூச்சினால் பிடித்து வைத்து மூச்சை விடவும். இவ்வாறு 30 வினாடிகள் செய்ய வேண்டும். மீண்டும் 3 நொடிகள் சாதாரணமாக சுவாசித்து விட்டு, மீண்டும் 30 நொடிகள் முன்பு செய்தவாறு பயிற்சியை மேற்கொள்ள வேண்டும்.

நன்றி http://tamil.boldsky.com