Home » » சென்னையை போல் மேலும் ஒரு சம்பவம் ;காதலை ஏற்க மறுத்த பெண் கொலை

சென்னையை போல் மேலும் ஒரு சம்பவம் ;காதலை ஏற்க மறுத்த பெண் கொலை


ஐதராபாத்: ஆந்திராவில் இருந்து பிரிந்த தெலுங்கானாவில் இளம் பெண் ஒருவர் கத்தியால் குத்தி கொல்லப்பட்டுள்ளார். சென்னையில் சுவாதி கொல்லப்பட்டது போல் மேலும் ஒரு இளம் பெண் கொல்லப்பட்டிருப்பது அதிர்ச்சியை ஏற்படுத்தியுள்ளது.

தெலுங்கானா மாநிலம் அடிலாபாத் மாவட்டம் பைன்சியா பகுதியை சேர்ந்தவர் சந்தியா வயது 19. இவர் ஒரு பள்ளியில் படித்து வருகிறார். இதே பகுதியை சேர்ந்த மாணவன் மகேஷ். இவன் சந்தியாவை ஒரு வருடம் பின்தொடர்ந்து வந்துள்ளான். இவன் பல முறை தனது காதலை சந்தியாவிடம் வெளிப்படுத்தியுள்ளான். தன்னை திருமணம் செய்து கொள்ளுமாறு வலியுறுத்தியுள்ளான். ஆனால் சந்தியா காதலை ஏற்கவில்லை.

இதனால் ஆத்திரமுற்ற மகேஷ் சந்தியா வீட்டின் அருகே சென்று கொண்டிருந்த போது கத்தியால் கழுத்தை அறுத்தான். அதில் அந்த பெண் சம்பவ இடத்தில் ரத்த வெள்ளத்தில் பிணமானர். தகவல் அறிந்த போலீசார் மகேஷை கைது செய்து விசாரணை நடத்தி வருகின்றனர். சென்னையில் சுவாதி கொலை நடந்த பரபரப்பு அடங்குவதற்குள் தெலுங்கானாவில் மேலும் ஒரு பெண் ஒரு தலைக்காதலால் கொல்லப்பட்டுள்ளார்.

சேலத்தில் சிறுமி கொலை: சேலம் மாவட்டம் மேட்டூரை அடுத்த தெலுங்கனூர் பகுதியில் 6 வயது சிறுமி ஒருவர், பலாத்காரம் செய்யப்பட்டு கொலை செய்யப்பட்டார். சம்பவம் தொடர்பாக போலீசார் விசாரணை நடத்தி வருகின்றனர்.