Home » » சுவாதி கொலை – உண்மையான குற்றவாளி குறித்து வெளியான பரபரப்பு தகவல்

சுவாதி கொலை – உண்மையான குற்றவாளி குறித்து வெளியான பரபரப்பு தகவல்


சுவாதி கொலை வழக்கில் கைது செய்யப்பட்டுள்ள ராம்குமார், உண்மையான குற்றவாளி அல்ல, என்று பிரான்ஸ் நாட்டில் வசிக்கும் தமிழச்சி என்பவர், பேஸ்புக்கில் தகவல் வெளியிட்டு பரபரப்பை ஏற்படுத்தி வரும் நிலையில், திலீபன் மகேந்திரன், என்பவர், சுவாதி கொலை வழக்கின் உண்மையான குற்றவாளிகள் பற்றிய ஆதாரங்களை விரைவில் வெளியிடப் போவதாக அறிவித்துள்ளார்.
ஏற்கனவே தேசியக் கொடியை எரித்ததற்காக தேச துரோக வழக்கில் கைது செய்யப்பட்டு, தற்போது ஜாமீனில் விடுவிக்கப்பட்டுள்ள திலீபன் மகேந்திரன், சுவாதியை வெட்டிக் கொன்றது ராம்குமார் இல்லை எனவும், இந்த கொலையில் சம்பந்தப்பட்டுள்ள உண்மையான குற்றவாளி முத்தப் பேட்டை சேர்ந்த பாஜக மாநில துணை தலைவரான கருப்பு முருகானந்தம் தான் எனவும் குற்றம்சாட்டியிருந்தார்.
ஆனால் இதற்கு மறுப்பு தெரிவித்த கருப்பு முருகானந்தம்,தன் மீது அவதூறு பரப்பி வரும் திலீபன் மகேந்திரன் மீது நடவடிக்கை எடுக்க வேண்டும் என காவல்துறையில் புகார் அளித்தார்.இதனை தொடர்ந்து திலீபன் கைது செய்யப்பட்டு சிறையில் அடைக்கப்பட்டார்.
தற்போது நிபந்தனை பிணையில் விடுவிக்கப்பட்டுள்ள அவர், “சிறையில் என்னை மனநலம் பாதிக்கப்பட்டவர்களோடு சேர்த்து அடைத்து வைத்திருந்தார்கள்.சித்திரவதையும் செய்தார்கள்.ஆனால் இதற்கெல்லாம் நான் பின்வாங்கிவிட போவதில்லை.சுவாதி கொலை வழக்கில் சம்பந்தப்பட்டுள்ள உண்மையான குற்றவாளிகளை கூடிய விரைவில் அம்பலப்படுத்துவேன்.” என்று செய்தியாளர்களிடம் தெரிவித்துள்ளார்.
இந்நிலையில், கைது செய்யப்பட்ட ராம்குமார் தற்கொலை செய்துகொண்டிருப்பது பரபரப்பை கிளப்பியுள்ளது.